गजल
प्रकाश सायमी , (गोधूली संसार, सैँबु, ललितपुर ।)
एउटी दुःखी रुँदै गई आज यो नगरबाट
फूल खसे कि आँसु खै, उनको नजरबाट
जिन्दगी संगरमरमर होला अरुका लागि
ढुँगा कहिले मोति बनेन तिनको बगरबाट
ऊनको सपना सुनको हुन्न भन्थे कोही
घाउलाई स्याहारी रहिन् सँधै खञ्जरबाट
बाटो नै बरबादीको पहाड भो यात्रामा
अमृत कहाँ हुनु तिनी जलिरहिन् जहरबाट
आउँदा तिनी सबलाई रिझाउँछु भन्थिन्
आज आफै काँडामाथि हिँडिन् यो शहरबाट
No comments:
Post a Comment